MICHINA: - T’al sai Burina ch’j’hon nent facc a temp a quatè i bogg an s’el stra da ‘na part ch’uj ‘na j’è surtì d’jater da l’atra. Per gionta d’la scalogna l’ha piuì quater dì d’fila, acsé is son squatà onca cui vegg. Us viggh che quondi ch’j’hon stupà la prima vòta, al post del catram, j’hon bitì l’incioster. T’hai vója tè, pasa ‘na vòta, pasa du, pasa trej...u t’armaniva ammachi pü da scrivi n’enciclupedia, setà bela tranquil ant’in bogg a scelta !
BURINA: - T’hai rašón Michina...t’hai propi rašón. Uarda ammachi a Son Miché, davšen a la farmacia uj’è tont’acqua an s’la strà che s’uj va ‘ndrenta ‘na machina...ut tuca andela serchè con l’ecoscandaglio !
M.: - Onca davšén a la ex Saves....t’at ricordi d’la Saves ?
B.: - Andó ch’adess uj’è u sircul di dipendent d’la casa d’risparmi ?
M.: - Séeeh, propi lé...andó chi von tücc cuj chi son nenta dipendent. Acsilè l’è ‘l post andó chi fon andè tont ad cul’ inseticida, ma tont...
B.: - E c’mela mai ?
M.: - Uj va la nubiltà da doj lindricc !! E j’hon tücc la musca suta au nass !
B.: - Ben ma set divi d’l’acqua....
M.: - Lé uj’è ‘na pusa, ma ‘na pusa d’acqua...che...che...ansuma là c’l’è amnija in afluente del Tani....
B.: - A l’è per sulé ch’j’ho vist l’asesur Trussi col gumón e l’bombuli d’la subacquea...L’andava a fè in’ispesión...
M.: - Ošàaaaa, l’ha dicc ch’us fa pü sgagià fè in pont ansüma d’cula pusa che süèla e stupela !
B.: - Basta là che ròbi ch’is vigu an gir...! Gram asesur Trussi...Trà šü el pont vegg, fan’in’ater nóvf, šà coj’alogg da suta, gratis, per gli extra-souta-ciuendi..che sed’no anduma a finì che cuchdënn el ven a dè fó a ca nostra perché, sut al pont, a l’ha nenta i dupi servissi e la televisión...Büta el luci da chi, gavji da là, smorsa i muron ad nocc an piasa Marconi, vischj d’au dì, no a l’incuntrari...fa amnì el rutondi quadraji, cuj šà quadraji, faji amni uvališà...Che ròbi Michina, che ròbi...Is gram’omi ad Trussi el va a finì ch’il recoveru al manicomi o, per viulaja cumpetensa, ant’la scóla edile....
M.: - Speruma ammachi, gram’omi, che su riess nenta a süè i bogg pénni d’acqua, almenu ch’u riesa a süèsi j’ogg !!
B.: - Dì ‘n po’ Michina admòn a l’è la festa d’la dona...set faj tè dmon ?
M.: - A vén a pieti e anduma ansema a vighi cuj là, c’m’è ch’is ciamu...ah, seeh..is ciamu “I bei uslass d’or” ch’i s’aspoju bej e paton se tè t’janfili in bel biëtt, minim da dèss euro !!
B.: - E andó ch’aj l’anfila el biëtt, Michina ?
M.: - Andó t’vóri anfileli...andó ch’us pó cul ch’us vó e fa mea ad dumondi !! C’m’è cul diva cul là d’l’oli d’uliva !
B.: - Ma mé se ca na só d’l’oli e nent’oli...
M.: - Ossiniur che ròbi...anlura anfilji an mes del ciambrònni...acsé t’vigherrai che anveci ad sparej ad fóra u ‘ja surbisa...Va non cmensa andè a prepareti..aruabi..Ciauu !